ఓ ముస్లిం మహిళ పెళ్లైన ఐదో రోజే భర్తకు విడాకులిచ్చేసింది. ఈ ఘటన సౌదీ అరేబియాలో చోటుచేసుకుంది. సౌదీకి చెందిన ఓ మహిళకు ఇటీవల వివాహమైంది. భర్త ఇస్లాం సంప్రదాయం ప్రకారం ఐదు పూటలా నమాజ్‌ చేయడంలేదని, అందుకని తనకి విడాకులు కావాలని పెళ్లైన ఐదోరోజునే ఆమె దరఖాస్తు చేసుకుంది. ఆమె పిటిషన్‌ను న్యాయస్థానం అంగీకరించి విడాకులు మంజూరు చేసింది. భర్తకు 55,000 సౌదీ రియాల్‌(సౌదీ కరెన్సీ) చెల్లించాల్సిందిగా తీర్పునిచ్చింది.
అసలే ఇస్లామిక్‌ చట్టాలను ఆచరించడంలో సౌదీ ముందుంటుంది. అలాంటిచోట ఈ ఘటన జరగడం సామాజిక మాధ్యమాల్లో చర్చనీయాంశమైంది. కొందరు ఆమె నిర్ణయాన్ని సమర్థిస్తోంటే, మరి కొందరు ఇంత చిన్న విషయానికే విడాకులా అంటూ విమర్శిస్తున్నారు.