సోషల్ మీడియా వచ్చాకా కొంత మంచితో పాటూ, కొంత చెడు కూడా జరుగుతోంది. ముఖ్యంగా బతికున్నవాళ్లని చంపేస్తుండడం దారుణం. ఈ మధ్య చాలా మంది సెలబ్రిటీల విషయంలో ఈ తొందరపాటు జరుగుతోంది. సోషల్ మీడియాతో పాటూ, మీడియా జనం కూడా పలువురు సెలబ్రిటీలను మీడియా సాక్షిగా చంపేస్తున్నారు. ‘మేం బతికే వున్నాం మొర్రో’ అని సదరు సెలబ్రిటీలు ప్రత్యక్షంగా రెస్సాండ్ అయితే కానీ, అసలు విషయం బోధపడడం లేదు. 

తాజాగా సీనియర్ నటులు కోట శ్రీనివాసరావును చంపేశారు. పాపం ఆయన బతికే వున్నారు. అదే విషయాన్ని ఓ వీడియో ద్వారా ఆయన తెలియచేయాల్సిన పరిస్థితి వచ్చింది. ఈ లోపే జరగాల్సిన రచ్చ అంతా జరిగిపోయింది.

నిజంగానే ఆయన మరణించారనుకుని, పోలీసు బందోబస్థు ఆయన ఇంటి ముందు వాలిపోయింది. సెలబ్రిటీలు మరణిస్తే, వారి ఇంటి ముందు అభిమానుల ఒత్తిడి పెరుగుతంది. ఆ లెక్కల్లో పోలీసులు అప్రమత్తం అయ్యారు. కట్ చేస్తే.. అదంతా ఫేక్ న్యూస్ అని తేలింది.