కువైట్: ఆదివారం సాయంత్రం కురిసిన వర్షం కారణంగా కొన్ని ప్రాంతాల్లో ప్రభావితం అయ్యాయి. కొన్ని పాఠశాల మైదానాల్లో పాక్షికంగా నీటి గుంటలు ఏర్పడ్డాయి. పరిస్థితులను అధ్యయనం చేసిన కువైట్ విద్యాశాఖ పాఠశాలలను యథావిధిగా కొనసాగించినట్లు విద్యాశాఖ తెలిపింది. భారీ వర్షాల తర్వాత కూడా అన్ని విద్యా సౌకర్యాలు సురక్షితంగా.. చక్కగా పనిచేశాయని మంత్రిత్వ శాఖ ప్రతినిధి అహ్మద్ అల్-వెహెయిదా తెలిపారు. విద్యార్థులు,  బోధన, పరిపాలనా సిబ్బంది భద్రతకు పౌర విమానయాన డైరెక్టరేట్ జనరల్ వాతావరణ శాఖతో విద్యామంత్రిత్వ శాఖ సంప్రదింపులు జరుపుతోందని చెప్పారు. మంగళవారం ఉదయం నాటికి క్రమంగా వాతావరణ పరిస్థితులు మెరుగుపడే అవకాశం ఉందని ఆయన పేర్కొన్నారు.