అమెరికా: అమెరికా హెచ్‌-1బీ వీసాల కోసం తగినన్ని అప్లికేషన్లు వచ్చాయని అమెరికా సిటిజన్‌ షిప్‌ అండ్‌ ఇమిగ్రేషన్‌ సర్వీసెస్‌ (USCIS) ఒక ప్రకటనలో తెలింది. 2024 అక్టోబర్‌ 1 నుంచి ప్రారంభం కానున్న ఆర్ధిక సంవత్సరానికి పూర్తి స్థాయిలో అప్లికేషన్లు వచ్చాయని, అర్హత సాధించిన వారికి సమాచారం కూడా ఇవ్వడం జరిగిందని తెలిపింది. అడ్వాన్స్‌డ్‌ డిగ్రీ మినహాయింపులతో హెచ్‌-1బీ కేటాయింపులకు కావాల్సిన సంఖ్యకు చేరుకున్నట్లు తెలిపింది.

పరిమితిని చేరుకోవడానికి వచ్చిన అప్లికేషన్ల నుంచి రెండమ్‌లో ఎంపిక చేస్తారు. ఇలా ఎంపికైన రిజిస్ట్రేషన్లతో పిటీషనర్లందరికీ హెచ్‌-1బీ క్యాప్‌కు అప్లికేషన్లు పెట్టుకునేందుకు అనుమతి ఇస్తారు. 2024 ఆర్ధిక సంవత్సరానికి ఎంపికైన అర్హత ఉన్న పిటీషన్‌దారులు ఏప్రిల్‌ 1, 2023 నుంచి యూఎస్‌ సిటీజన్‌షిప్‌ అండ్‌ ఇమిగ్రేషన్‌ సర్వీసెస్‌కు అప్లికేషన్‌ పెట్టుకోవచ్చని తెలిపింది. కేవలం ఎంపికైన రిజిస్ట్రేషన్‌ ఉన్న పిటీషనర్లు మాత్రమే 2024 కోసం అప్లయ్‌ చేసుకోవాల్సి ఉంటుంది.