యూఏఈలో మెడికల్‌ టూరిజంని మరింత పెంచేందుకోసం మెడికల్‌ వీసా ప్రక్రియను సులభతరం చేయాలని జనరల్‌ డైరెక్టరేట్‌ ఆఫ్‌ రెసిడెన్సీ అండ్‌ ఫారినర్స్‌ ఎఫైర్స్‌ భావిస్తోంది. ఈ విషయాన్ని డైరెక్టర్‌ ఆఫ్‌ హెల్త్‌ రెగ్యులేషన్‌ అండ్‌ దుబాయ్‌ మెడికల్‌ టూరిజం ప్రాజెక్ట్‌ డాక్టర్‌ లేలా అల్‌ మర్జోకి వెల్లడించారు. 2021లో 1.3 మిలియన్‌ మెడికల్‌ టూరిస్టులు దుబాయ్‌ వస్తారని దుబాయ్‌ హెల్త్‌ అథారిటీ (డిహెచ్‌ఎ) అంచనా వేస్తోంది. 2015లో దుబాయ్‌లోని 26 ప్రముఖ ఆసుపత్రుల్ని సందర్శించినవారి సంఖ్య 630,831గా ఉంది. ఇందులో యూఏఈ వాసుల సంఖ్య 332,472 కాగా, విదేశాల నుంచి వచ్చినవారు 298,359 (46 శాతం). 2015లో మెడికల్‌ టూరిస్టుల ద్వారా 1,0004,930,535 దిర్హామ్‌ల రెవెన్యూ రాగా, ఇది రానున్న ఐదేళ్ళలో 13 శాతం పెరుగుతుందని అంచనా వేస్తున్నారు. ఫెర్టిలిటీ సమస్యలు, డెర్మటాలజీ మరియు ప్లాస్టిక్‌ సర్జరీ విభాగాల్లో వైద్య సేవల కోసం దుబాయ్‌ని ఎక్కువమంది ఎంచుకుంటున్నారని అధికారిక వర్గాలువ ఎల్లడించాయి.