నేషనల్ క్రష్ రష్మిక మండన్న పుట్టినరోజు ఈ రోజు. ఈ సందర్భంగా ఆమె నటిస్తున్న సినిమాల నుంచి ఫస్ట్ లుక్ పోస్టర్లు రిలీజ్ చేసి ఆయా చిత్ర యూనిట్స్ స్పెషల్ బర్త్‌డే విషెస్ చెబుతోంది.
అందులో భాగంగా రష్మిక మొదటి సినిమా ‘ఛలో’ డైరెక్టర్ వేణు ఉడుగుల దర్శకత్వంలో నితిన్ హీరోగా ఓ సినిమా తెరకెక్కుతోంది. ఈ సినిమా నుంచి రష్మిక లుక్ రిలీజ్ చేసి టీమ్ బర్త్‌డే విషెస్ తెలిపింది.
ఈ సినిమాలో రష్మిక ఎన్నారై అమ్మాయిగా కనిపించబోతున్నట్లు తెలుస్తోంది. దానికి సంబంధించిన స్టైలిష్ లుక్‌ని తాజాగా రిలీజ్ చేశారు. అలాగే రష్మిక నటిస్తున్న ప్యాన్ ఇండియా మూవీ ‘పుష్ప 2’ నుంచి కూడా లుక్ రిలీజ్ చేశారు.
ఈ లుక్స్‌లో రష్మిక లంగా వోణీలో వింటేజ్ లుక్స్‌తో క్యూట్‌గా బ్యూటిఫుల్‌గా కనిపిస్తోంది. రష్మికను ఇలా చూస్తున్న ఫ్యాన్స్ సంబరపడిపోతున్నారు. నెట్టింటి వేదికగా ఆమెకు బర్త్ డే విషెస్ తెలుపుతున్నారు. ఇలాంటి బర్త్‌డేలు మరెన్నో జరుపుకోవాలని ఆశిస్తూ రష్మికకు పుట్టినరోజు శుభాకాంక్షలు.