మస్కట్: ఈ వారాంతంలో అల్ వుస్తా, ధోఫర్ గవర్నరేట్‌లతోపాటు ఒమన్ సుల్తానేట్‌లోని ఇతర ప్రాంతాలలో భారీగా వర్షపాతం నమోదయ్యే అవకాశం ఉంది. ఒమన్ వాతావరణ విభాగం ఆన్‌లైన్‌లో విడుదల చేసిన ప్రకటనలో తెలిపింది. వచ్చే ఆదివారం వరకు వర్షపాతం కొనసాగుతుందని కూడా అంచనా వేసింది. “రాబోయే రోజులలో శుక్ర, శని, ఆదివారాల్లో హజార్ పర్వతాలు, అల్ వుస్తా,  ధోఫర్ గవర్నరేట్‌లలోని కొన్ని ప్రాంతాలలో ఉరుములతో కూడిన వర్షం కురిసే అవకాశం ఉంది. ” అని ఒమన్ వాతావరణ విభాగం హెచ్చరిక జారీ చేసింది. ఈ సమయంలో ప్రజలు జాగ్రత్తగా ఉండాలని, వాగులు, వరదలు వచ్చే ప్రాంతాలకు దూరంగా ఉండాలని సూచించింది. అత్యవసర సమయాల్లో స్థానిక అధికారులను సంప్రదించాలని కోరింది.