రియాద్: సౌదీ అరేబియాలో ఆటోమొబైల్ సప్లై కంపెనీలు, కార్ రెంటల్ కంపెనీల మధ్య మూడు ఒప్పందాలపై సంతకాల కార్యక్రమాన్ని పబ్లిక్ ట్రాన్స్‌పోర్ట్ అథారిటీ (PTA) నిర్వహించింది. ఒప్పందంపై సంతకం చేసిన ఏడాదిలోగా అల్-మోఫ్తాకు 100 ఎలక్ట్రిక్ కార్లను సరఫరా చేసేందుకు నాఘి మోటార్స్ కంపెనీ, అల్-మోఫ్తా కార్ రెంటల్ కంపెనీ మొదటి ఒప్పందంపై సంతకాలు చేశాయి. బడ్జెట్‌ ఎలక్ట్రిక్ కార్లను సరఫరా చేయడానికి అల్మాజ్‌డౌయ్ మోటార్స్ కంపెనీ, బడ్జెట్ రెంట్ ఎ కార్ కంపెనీ మధ్య రెండవ ఒప్పందం కుదిరింది. మూడవ ఒప్పందాన్ని యెలో రెంట్ ఎ కార్ కంపెనీతో అల్మాజ్‌డౌయ్ కంపెనీ కుదుర్చుకుంది.  సాంప్రదాయ కార్లను ప్రత్యామ్నాయంగా ఎలక్ట్రిక్ కార్లతో భర్తీ చేయడం అద్దెకార్ల రంగం అభివృద్ధికి, ఆధునిక పర్యావరణ అనుకూల ఎలక్ట్రిక్ వాహనాలపై ఆధారపడటానికి తోడ్పడుతుందని, ఇది సేవల నాణ్యత, సామర్థ్యంలో క్వాంటం లీపుకు దోహదం చేస్తుందని PTA పేర్కొంది. పర్యావరణాన్ని పరిరక్షించడం, నాణ్యత స్థాయిని పెంపొందించడం,  క్లీన్ ఎనర్జీపై ఆధారపడే ఆధునిక మార్గాలను.. నాణ్యమైన రవాణా పద్ధతులను అవలంబించడానికి పబ్లిక్ ట్రాన్స్‌పోర్ట్ అథారిటీ చేసిన ప్రయత్నాలకు అనుగుణంగా ఈ ఒప్పందాలపై సంతకాలు జరిగాయని పీటీఏ తెలిపింది.