దుబాయ్: దుబాయ్‌లో శనివారం రాత్రి జరిగిన ‘మోస్ట్ నోబుల్ నంబర్స్’ వేలంలో వాహన నంబర్ ప్లేట్ P7.. 55 మిలియన్ దిర్హామ్‌లకు అమ్ముడుపోయి సరికొత్త రికార్డు సృష్టించింది. జుమేరాలోని ఫోర్ సీజన్స్ రిసార్ట్‌లో అతిధుల మధ్య నిర్వహించిన వేలం హోరాహోరీగా సాగింది. పదహారేళ్ల క్రితం.. అబుధాబిలో ఒక నంబర్ ప్లేట్ 52.5 మిలియన్ దిర్హాలకు అమ్మబడినప్పుడు ప్రపంచ రికార్డు సృష్టించింది.  15 మిలియన్ దిర్హామ్‌తో ప్రారంభమైన బిడ్‌ నిమిషాల వ్యవధిలో 55 మిలియన్‌ దిర్హామ్‌లకు చేరుకొని రికార్డు సృష్టించింది. వైస్ ప్రెసిడెంట్ హిస్ హైనెస్ షేక్ మొహమ్మద్ బిన్ రషీద్ అల్ మక్తూమ్ ప్రారంభించిన “1 బిలియన్ మీల్స్ ఎండోమెంట్” ప్రచారానికి మద్దతుగా, ప్రత్యేక వాహన ప్లేట్, ఫోన్ నంబర్‌ల కోసం “మోస్ట్ నోబుల్ నంబర్స్” ఛారిటీ వేలం నిర్వహించిన విషయం తెలిసిందే.

UAE అత్యంత ఖరీదైన నంబర్ ప్లేట్లు

P7 (దుబాయ్ - Dh55 మిలియన్ ( 2008లో అబుధాబి వేలంలో - Dh52.2 మిలియన్)

AA9 (దుబాయ్, 2021లో వేలం) - Dh38 మిలియన్

AA8 (దుబాయ్, 2022లో వేలం)- Dh35 మిలియన్

D5 (దుబాయ్, 2016లో వేలం) - Dh33 మిలియన్