మస్కట్: భారత విమానయాన సంస్థ ఎయిర్ ఇండియా మస్కట్ అంతర్జాతీయ విమానాశ్రయం నుండి బయలుదేరాల్సిన విమాన సర్వీసులను రద్దు చేసింది. ట్రావెల్ ఏజెంట్లందరికీ ఏప్రిల్ 10న జారీ చేసిన సర్క్యులర్ (15/23) ప్రకారం.. “ఢిల్లీ-మస్కట్ ఫ్లైట్ సర్వీసును ఏప్రిల్ 29, మే 6, మే 13, మే 14, మే 20, మే 27 వ తేదీల్లో రద్దు చేయబడింది.’’ అని ఎయిర్ ఇండియా తెలిపింది.  ఆయా తేదీల్లో మస్కట్-ఢిల్లీ ఎయిర్ ఇండియా విమానంలో సీట్లు బుక్ చేసుకున్న ప్రయాణికులందరికీ వెంటనే తెలియజేయాలని ఆ సర్క్యులర్లో కోరారు.  ప్రయాణీకులు ఎలాంటి పెనాల్టీలు లేకుండా పూర్తి రీఫండ్‌ను ఎంచుకోవచ్చు లేదా ప్రత్యామ్నాయ తేదీల్లో సీట్లను రీబుక్ చేసుకోవచ్చని ఎయిర్ ఇండియా తెలిపింది.