మస్కట్: ఒమన్‌లోని అరేబియా సముద్ర తీరంలో గురువారం ఉదయం 5.8 తీవ్రతతో భూకంపం నమోదైందని యూఏఈ జాతీయ వాతావరణ కేంద్రం (ఎన్‌సిఎం) తెలిపింది. ఒమన్‌లోని ఓడరేవు నగరమైన సుర్‌కు 500 కిలోమీటర్ల దూరంలో సముద్రం దిగువన 10 కిలోమీటర్ల లోతులో భూకంప కేంద్రం ఉన్నట్లు వెల్లడించింది. యునైటెడ్ స్టేట్స్ జియోలాజికల్ సర్వే (USGS)  భూకంపం తీవ్రత 5.4 గా అంచనా వేసింది.  యూఏఈపై భూకంప ప్రభావం లేదని, ఎక్కడా భూకంప ప్రకంపనలు వచ్చినట్లు సమాచారం అందలేదని ఎన్‌సిఎం డిపార్ట్‌మెంట్ ఆఫ్ సిస్మోలజీ డైరెక్టర్ ఖలీఫా అల్ ఎబ్రీ తెలిపారు. అరేబియా సముద్రంలో ఉదయం 7.24 గంటలకు భూకంపం సంభవించినట్లు ఆయన పేర్కొన్నారు.