యూనిఫైడ్‌ సర్వీసెస్‌ డిపార్ట్‌మెంట్‌ ఆఫ్‌ మినిస్ట్రీ ఆఫ్‌ ఇంటీరియర్‌ (ఎంఓఐ) కొత్త సర్వీసెస్‌ ఆఫీస్‌ని సుప్రీం కమొటీ (ఎస్‌సి) డెలివరీ అండ్‌ లెగసీ హెడ్‌ క్వార్టర్స్‌లో ఏర్పాటు చేసింది. ఎస్‌సి సెక్రెటరీ జనరల్‌ హస్సన్‌ అల్‌ థవ్వాది మరియు సీనియర్‌ అధికారులు ఈ కార్యక్రమంలో పాల్గొన్నారు. డైరెక్టర్‌ ఆఫ్‌ ది డిపార్ట్‌మెంట్‌ బ్రిగేడియర్‌ అబ్దుల్లా అహ్మద్‌ అల్‌ అన్సారి మాట్లాడుతూ, ఈ కార్యాలయంలో పాస్‌పోర్ట్‌లు మరియు వలసదారులకు సంబంధించిన సర్వీసులు, క్రిమినల్‌ ఇన్ఫర్మేషన్‌, ట్రాఫిక్‌ డిపార్ట్‌మెంట్‌ సర్వీసులు, ఇంకొన్ని సర్వీసులు మినిస్ట్రీ ఆఫ్‌ ఇంటీరియర్‌ ద్వారా నిర్వహించబడ్తాయని తెలిపారు. ముందు ముందు ఇలాంటివి మరిన్ని సెంటర్స్‌ని ఏర్పాటు చేసి, పౌరులు మరియు వలసదారులకు తమ తమ కార్యకలాపాలు వేగంగా పూర్తి చేసుకునేందుకు వీలు కల్పిస్తామని అన్నారు.