ఈ మధ్య సినిమాలన్నీ ప్యాన్ ఇండియా దృష్టిలోనే తెరకెక్కుతోన్న సంగతి తెలిసిందే. అయితే, ఇటీవల రిలీజైన సినిమాలు ప్యాన్ ఇండియా రిలీజ్ విషయంలో కాస్త తటపటాయిస్తున్నాయ్.
గత నెల రిలీజైన ‘దసరా’ సినిమానీ ప్యాన్ ఇండియా సినిమాగానే రూపొందించారు. కానీ, తెలుగులో మాత్రమే రిలీజ్ చేశారు. నిన్న వచ్చిన ‘విరూపాక్ష’ కూడా అంతే, లాస్ట్ మినిట్‌లో ప్యాన్ ఇండియా క్యాన్సిల్ చేసి, తెలుగులో రిలీజ్ చేశారు.
ఇప్పుడు అఖిల్ వంతు వచ్చింది. అఖిల్ నటించిన ‘ఏజెంట్’ మూవీని సైతం ప్యాన్ ఇండియా అనే ప్రమోట్ చేశారు. కానీ, రిలీజ్ డేట్ల విషయంలో ఇష్యూలు రావడంతో, ఆ ఆలోచన విరమించుకున్నారట ఇప్పటికైతే. 
వచ్చే శుక్రవారం తెలుగులో గ్రాండ్‌గా రిలీజ్ అవుతోంది ‘ఏజెంట్’. ఇతర భాషల రిలీజ్ డేట్ల విషయంలో ఇంకా ఓ క్లారిటీకి రాలేదని చిత్ర యూనిట్ ప్రమోషన్ల సందర్భంగా క్లారిటీ ఇచ్చింది.