హీరోయిన్లకు గుడి కట్టడం అనే సాంప్రదాయం ఇంతవరకూ తమిళనాడుకే పరిమితమైంది. ఖుష్బూ, హన్సిక తదితర ముద్దుగుమ్మలకు తమిళనాడులో గుడి కట్టి పూజలు చేసేస్తుంటారు అభిమానులు.
అయితే, ఈ సాంప్రదాయం ఇప్పుడు టాలీవుడ్‌కీ పాకేసినట్లయ్యింది. టాలీవుడ్ స్టార్ హీరోయిన్ అయిన సమంతకు ఓ అభిమాని గుడి కట్టేసి, ఆమెపై అభిమానం చాటుకున్న ఘటన తాజాగా వెలుగులోకి వచ్చింది.
తెనాలి సందీప్ అనే వ్యక్తికి సమంత అంటే చాలా చాలా ఇష్టమట. కేవలం నటిగానే కాకుండా, సమంత చేసే సేవా కార్యక్రమాలకు ఆయన ఎక్కువ ఇన్స్‌పైర్ అయ్యాడట. దాంతో, తన ఇంటి ఆవరణలోనే సమంతకు గుడి కట్టేశాడట. 
ఇకపోతే, సమంత ప్రస్తుతం ఓ వైపు సినిమాలూ, మరోవైపు వెబ్ సిరీస్‌లతో ఫుల్ బిజీగా గడుపుతున్న సంగతి తెలిసిందే. ఇటీవలే ‘శాకుంతలం’ సినిమాతో ప్రేక్షకుల్ని పలకరించింది. ఈ శుక్రవారం అనగా, ఏప్రిల్ 28న సమంత నటించిన ‘సిటాడెల్’ వెబ్ సిరీస్ ఓటీటీలో సందడి చేయనుంది.