గోపీచంద్‌కి ఈ మధ్య ఏ సినిమా చేసినా పెద్దగా కలిసి రావడం లేదు. దాంతో, తనకు గతంలో బాగా కలిసొచ్చిన డైరెక్టర్‌తో చేతులు కలిపాడు. గోపీచంద్ కెరీర్‌లో హిట్ చిత్రాలైన ‘లక్ష్యం’, ‘లౌక్యం’ సినిమాల దర్శకుడు శ్రీవాస్‌తో ఈ సారి గోపీచంద్ సినిమా చేశాడు.
అదే ‘రామబాణం’. మే 5న ప్రేక్షకుల ముందుకు రాబోతోంది. ఈ సినిమాకి లేటెస్టుగా సెన్సార్ బోర్డ్ సర్టిఫికెట్ ఇచ్చింది. ఒక్క అభ్యంతరకమైన సీన్ కూడా లేదనీ, కంప్లీట్ క్లీన్ మూవీగా ‘రామబాణం’ సినిమాని అభివర్ణించింది సెన్సార్ బోర్డ్.
నయా ట్రెండ్‌లో సెన్సార్ కట్ లేని సినిమాలే లేవంటే అతిశయోక్తి కాదేమో. అలాంటిది ‘రామబాణం’ సినిమా జీరో సెన్సార్ కట్స్‌తో రిలీజ్‌కి సిద్ధమవుతుండడం విశేషం. ‘ఖిలాడీ’ భామ డింపుల్ హయాతీ ఈ సినిమాలో హీరోయిన్‌గా నటించింది. జగపతి బాబు, ఖుష్బూ తదితరులు కీలక పాత్రలు పోషించారు.