కివీ పండు.. ఎక్కువగా విదేశాల నుంచి దిగుమతి చేసుకునే ఈ పండు మిగిలిన పండ్లతో పోల్చితే, రేటు కాస్త ఘాటుగానే వుంటుంది. అదేనండీ ఖరీదైన పండు.

అయితే, ఈ పండు నుంచి పొందే ఆరోగ్య ప్రయోజనాలు అంతే మెండు. కివీలో ఫైబర్ కంటెంట్ చాలా ఎక్కువ. అలాగే, ఫిట్‌నెస్‌పై ప్రత్యేక శ్రధ్ధ పెట్టేవారు కివీ పండు ఖచ్చితంగా తినాలని నిపుణులు చెబుతున్నారు.

కివీలో క్యాలరీలు చాలా తక్కువ. సో, ఈజీగా బరువు తగ్గుతారు. అలాగే, విటమిన్ సి, పొటాషియం, కాల్షియం పుష్కలంగా వుటాయ్. 

గుండె జబ్బులు వున్నవారు తరచూ కివీ పండు తినడం వల్ల చాలా మేలు జరుగుతుంది. అలాగే, హైబీపీ, డయాబెటిస్ వున్న వాళ్లు కూడా కివీ పండును నిర్మొహమాటంగా తీసుకోవచ్చు.

క్యాలరీలు తక్కువగా వుండడం వల్ల రక్తంలోని చక్కెర స్థాయుల్ని అదుపులో వుంచుతుంది. జీర్ణశక్తి మెరుగుపడడంతో పాటూ, ఉదర సంబంధిత వ్యాధులు అదుపులో వుంచేందుకు కివీ పండు తోడ్పడుతుంది.