కువైట్: జబర్ అల్-అలీ ప్రాంతంలోని ఒక ఇంటి ముందు పార్క్ చేసిన కార్లలో ఆకస్మాత్తుగా మంటలు చెలరేగాయి. ఈ ప్రమాదంలో ఒక వ్యక్తి ప్రాణాలు కోల్పోయాడు. ఈ ఘటనలో అనేక కార్లు దగ్ధమయ్యాయి. సమాచారం అందుకున్న వెంటనే అగ్నిమాపక సేవా డైరెక్టరేట్ అగ్నిమాపక బృందం సంఘటన స్థలానికి చేరుకొని మంటలను అదుపు చేశాయి. అగ్నిప్రమాదం ఫలితంగా ఒక వ్యక్తి మరణించాడని, అతని మృతదేహాన్ని సమీప ఆస్పత్రికి తరలించినట్లు అధికారులు తెలిపారు. ఘటనపై కేసు నమోదు చేసుకొని దర్యాప్తు చేస్తున్నట్లు పేర్కొన్నారు.