‘నాంది’, ‘ఇట్టు మారేడుమిల్లి నియోజకవర్గం’ సినిమాలతో అల్లరి నరేష్ పూర్తిగా మారిపోయాడు. కామెడీ హీరో నుంచి సీరియస్ హీరోగా టర్న్ తీసుకున్నాడు. 

అవును నిజమే, అల్లరి నరేష్ కామెడీ హీరోగానే అందరికీ సుపరిచితుడు అయినప్పటికీ, నరేష్‌లో మంచి నటుడు దాగున్నాడు. ఆ నటుడ్ని ఈ మధ్య వెలికి తీసే ప్రయత్నం చేస్తున్నాడు తన తాజా చిత్రాలతో.

హిట్టు, ఫ్లాప్ అనే సంగతి పక్కన పెడితే, ఆయా సినిమాలు విమర్శకుల ప్రశంసలు అందుకున్నాయ్. ఆ కోవలోనే ‘ఉగ్రం’ అనే సినిమాతో ప్రేక్షకుల ముందుకు వస్తున్నాడు. 
ఈ సినిమా కోసం సీరియస్ పోలీసాఫీసర్ అవతారమెత్తాడు నరేష్. తన భార్యా బిడ్డల మిస్సింగ్ హిస్టరీని చేధించే పోలీసాఫీసర్‌గా నరేష్ కనిపించబోతున్నాడు ఈ సినిమాలో.

యాక్షన్ బ్యాక్ డ్రాప్‌లో సినిమా వుండబోతోందనీ ప్రచార చిత్రాలు చూస్తే తెలుస్తోంది. చాలా కాన్ఫిడెంట్ అండ్ సెటిల్డ్ పర్‌ఫామెన్స్‌తో నరేష్ ఆకట్టుకుంటున్నాడు ఈ సినిమాలో. మే 5న ‘ఉగ్రం’ ప్రేక్షకుల ముందుకు రానుంది.