‘నీ సుఖమే నే కోరుకున్నా.. నిను వీడి అందుకే వెళుతున్నా..’ అని ఓ రెట్రో సాంగ్ వుంది. అప్పట్లో ఆ సాంగ్ వెరీ ఫేమస్. ఈ పాటలోని భావాలే తన నోటి వెంట పలికిస్తున్నాడు అక్కినేని హీరో నాగ చైతన్య.

సమంతతో విడాకుల నేపథ్యం గురించి తాజాగా తన సినిమా ‘కస్టడీ’ ప్రమోషన్లలో చైతూ మాట్లాడాల్సి వచ్చింది. సమంత అంటే తనకెప్పుడూ గౌరవమే అనీ, స్నేహ పూర్వకంగానే మేమిద్దంర విడాకులు తీసుకున్నామనీ చైతూ చెప్పాడు.

అలాగే, తన గతంతో సంబంధం లేని మూడో వ్యక్తిని ఇన్వాల్ చేస్తూ సదరు వ్యక్తిని అగౌరవపరచడం తనకు నచ్చలేదనీ, సమంత మనసు చాలా మంచిదనీ ఆమె ఎక్కుడన్నా సంతోషంగా వుండాలనీ, ఆమె కెరీర్ బాగుండాలనీ తాను కోరుకుంటాననీ వ్యాఖ్యానించాడు. 

రెండేళ్లు గడుస్తున్నా సమంత, చైతూ విడాకుల విషయం ఎప్పుడూ హాట్ టాపిక్‌గానే వుంటుంది. ఎప్పుడూ లేని విధంగా చైతూ ఈ విషయంపై ఇంత క్లారిటీగా స్పందించారు. చైతూ హుందాతనాన్ని మెచ్చుకుంటూ ఈ వ్యాఖ్యల్ని సోషల్ మీడియాలో వైరల్ చేస్తున్నారు.