బహ్రెయిన్: ఇసా టౌన్ ప్రాంతంలో ట్రాఫిక్ రద్దీని తగ్గించడానికి ఒక ప్రధాన దశగా ఇసా టౌన్ నార్త్ ఇంటర్‌ఛేంజ్‌ను కొత్త వంతెనతో అప్‌గ్రేడ్ చేయడానికి సంబంధించిన ప్రణాళికలను వర్క్స్ మంత్రిత్వ శాఖ ఆవిష్కరించింది. ప్రారంభించిన అటెండర్ ప్రకారం, ప్రాజెక్ట్ షేక్ సల్మాన్ వీధిలో.. ఇసా టౌన్ ప్రవేశాల వద్ద సాఫీగా ట్రాఫిక్ ప్రవాహాన్ని నిర్ధారించడానికి ఉత్తర- దక్షిణ దిశలలో షేక్ సల్మాన్ హైవే వెంట మూడు-లేన్ డ్యూయల్ వంతెనను రూపొందించాలని యోచిస్తోంది. స్లిప్స్ రోడ్లు , జంక్షన్‌లను రూపొందించడం.. షేక్ సల్మాన్ హైవేని మెరుగుపరచడం, సల్మాబాద్ & అమ్మన్ అవెన్యూ రోడ్ల విస్తరణ పనులు కూడా ఈ ప్రాజెక్టులో ఉన్నాయి. కొత్త వంతెన మనామా, సిత్రా, ముహరక్ నుండి వచ్చే వారి కోసం షేక్ సల్మాన్ స్ట్రీట్, షేక్ ఇసా బిన్ సల్మాన్ స్ట్రీట్‌లలో ట్రాఫిక్ ను మెరుగుపరుస్తుందని భావిస్తున్నారు.  ఇసా టౌన్ గేట్ వద్ద నిర్వహించిన ఇటీవలి సర్వే ప్రకారం, పీక్ అవర్స్‌లో 11,000 వాహనాలు ప్రయాణిస్తాయి. దాని సామర్థ్యం గంటకు 7,500 మాత్రమే కావడంతో తరచూ ఈ ప్రాంతంలో ట్రాఫిక్ సమస్యలు ఏర్పడుతున్నాయని సర్వేలో పేర్కొన్నారు.