తమిళ డైరెక్టర్ వెంకట్ ప్రభుకి డైరెక్షన్‌లో ఓ స్టైల్ వుంది. వినూత్న చిత్రాల దర్శకుడిగా మంచి పేరుంది. అలాంటి వెంకట్ ప్రభు ప్రస్తుతం నాగ చైతన్యతో ‘కస్టడీ’ సినిమా తెరకెక్కించాడు.
ఈ శుక్రవారం ‘కస్టడీ’ ప్రేక్షకుల ముందుకు రానుంది. ఈ సినిమా రిజల్ట్‌పై ఇటు చైతూ కానీ, అటు డైరెక్టర్ వెంకట్ ప్రభు కానీ చాలా చాలా నమ్మకంగా వున్నారు.
బైలింగ్వల్ మూవీగా ఈ సినిమా రూపొందిన సంగతి తెలిసిందే. కృతి శెట్టి హీరోయిన్‌గా నటిస్తోంది. అరవింద్ స్వామి విలన్‌గా నటిస్తున్నారు.
కాగా, ఈ సినిమా ఇంకా రిలీజ్ కాకుండానే వెంకట్ ప్రభు ఓ ప్యాన్ ఇండియా సినిమాని అనౌన్స్ చేశారు. హీరో ఎవరు.? ఏ బ్యానర్‌పై రూపొందనుంది.? అనే వివరాలు ఇంకా తెలియలేదు కానీ, త్వరలోనే పూర్తి వివరాలతో వెంకట్ ప్రభు మరో అనౌన్స్ మెంట్ ఇవ్వనున్నారట.