మస్కట్: ఒమన్ లో వేసవి ఎండలు మండుతున్నాయి. ఉష్ణోగ్రతలు 47° డిగ్రీల మార్కును దాటింది. సివిల్ ఏవియేషన్ అథారిటీ (CAA) ప్రకారం.. దేశంలో అత్యధిక ఉష్ణోగ్రత సోహార్‌లో 47 డిగ్రీల సెల్సియస్‌గా నమోదైంది. సోహార్ తర్వాత లివా (46.8° సెల్సియస్), వాడి అల్ మావిల్ (46° సెల్సియస్), సహమ్ (45.6° సెల్సియస్), షినాస్ (45.5° సెల్సియస్), సువైక్, అల్ అమెరత్‌లలో 45.5° సెల్సియస్‌లుగా నమోదయ్యాయి.

ఉష్ణోగ్రతలు పెరుగుతున్న నేపథ్యంలో ఇన్‌ఫెక్షన్లు, వైరస్‌లతో పోరాడటానికి ఆరోగ్య నిపుణులు పలు సూచనలు చేశారు.  ఎండాకాలంలో వచ్చే అతిసారం, వైరల్ ఇన్‌ఫెక్షన్లు ఎక్కువగా వస్తాయని ఓ ప్రైవేట్ ఆసుపత్రికి చెందిన సీనియర్ ఇంటర్నిస్ట్ ఒకరు తెలిపారు. ఆరుబయట తినడం, మంచి పరిశుభ్రత పాటించకపోవడం ముఖ్యంగా చేతి పరిశుభ్రత విషయంలో జాగ్రత్త తీసుకోవాలని సూచించారు. సరిగ్గా హ్యాండ్ వాష్ చేసుకుంటే 90 శాతం వ్యాధులను అరికట్టవచ్చని  పేర్కొన్నారు.