కువైట్: కువైట్ వ్యాప్తంగా వివిధ ప్రాంతాల్లో నిర్వహించిన ఇంటెన్సివ్ సెక్యూరిటీ క్యాంపెయిన్‌లో, అధికారులు 285 మంది చట్టాన్ని ఉల్లంఘించిన వారిని అరెస్టు చేశారు. ఇందులో 63 మంది రెసిడెన్సీ చట్టాన్ని ఉల్లంఘించినవారు, 40 మంది రెసిడెన్సీ గడువు ముగిసినవారు, 23 మంది పరారీ కేసులతో సంబంధం ఉన్నవారు ఉన్నారని అధికారులు వెల్లడించారు. షువైఖ్ ఇండస్ట్రియల్ ఏరియా, హవల్లీ, ఖైతాన్, మహబూలా, అస్వాక్ అల్-ఖురైన్ మరియు జహ్రా ఇండస్ట్రియల్ ఏరియాలో ఈ తనిఖీలు జరిగాయి. అదే సందర్భంగా మద్యం సేవిస్తున్న ఆరుగురిని కూడా అదుపులోకి తీసుకున్నట్లు అధికారులు తెలిపారు.