యూఏఈ: యూఏఈలోని ప్రైవేట్ రంగ కంపెనీలు తమ సెమీ-వార్షిక ఎమిరటైజేషన్ లక్ష్యాలను సాధించడానికి ఒక నెల కంటే కొంచెం ఎక్కువ సమయం ఉంది. "మీ కంపెనీలో 50 మంది లేదా అంతకంటే ఎక్కువ మంది ఉద్యోగులు ఉన్నట్లయితే, జూన్ 30, 2023లోపు నైపుణ్యం కలిగిన ఉద్యోగాలలో 1 శాతం ఎమిరేటైజేషన్ సాధించాల్సిన సమయం ఆసన్నమైంది. మొత్తం 3 శాతానికి తీసుకురావాలి." అని మానవ వనరులు, ఎమిరేటైజేషన్ మంత్రిత్వ శాఖ (MoHRE) తెలిపింది.  

జూలై 1 నుంచి నిబంధనలను పాటించని కంపెనీలపై జరిమానాలు విధించనున్నారు. లక్ష్యం చేరని కంపెనీలు ఉద్యోగం చేయని ప్రతి ఎమిరాటీకి Dh42,000 జరిమానాలను ఎదుర్కొంటాయని మంత్రిత్వ శాఖ తెలిపింది.  ఒక ఫెడరల్ చట్టం 2026 చివరి నాటికి 10 శాతానికి చేరుకోవడానికి ఏటా 2 శాతం ఎమిరేటైజేషన్ రేట్లను పెంచాలని లక్ష్యంగా పెట్టుకుంది. వార్షిక లక్ష్యాన్ని మొదటి ఆరు నెలల్లో 1 శాతం, సంవత్సరం ద్వితీయార్థంలో 1 శాతంగా విభజించారు. అంటే సంవత్సరం చివరి నాటికి కంపెనీలు నైపుణ్యం కలిగిన పాత్రలలో 4 శాతం ఎమిరాటీలను కలిగి ఉండాలి.

నఫీస్ ప్లాట్‌ఫారమ్‌లో నమోదు చేసుకోని,ఎమిరాటీ ఉద్యోగార్ధుల డేటాబేస్ నుండి ప్రయోజనం పొందాలని మంత్రిత్వ శాఖ కంపెనీలకు సూచించింది. నఫీస్ పథకం అనేది ఎమిరాటీస్ పోటీతత్వాన్ని పెంచడానికి, దేశంలోని ప్రైవేట్ రంగంలో నైపుణ్యం కలిగిన ఉద్యోగాలను నియమించడానికి చేపట్టిన ఓ కార్యక్రమం. ఇది యువ, అనుభవజ్ఞులైన ఎమిరాటీలకు ఉద్యోగ అవకాశాలను అందించడానికి అనేక రకాల ఆర్థిక ప్రోత్సాహకాలను అందజేస్తుంది.

ఈ సంవత్సరం జనవరిలో MoHRE 2022 ఎమిరేటైజేషన్ లక్ష్యాలను చేరుకోవడంలో విఫలమైన ప్రైవేట్ కంపెనీలపై 400 మిలియన్ దిర్హామ్‌ల జరిమానాను విధించింది.  మే 17 నాటికి దాదాపు 68,000 మంది ఎమిరాటీలను ప్రైవేట్ రంగ కంపెనీలు నియమించుకున్నాయి.