‘మాచర్ల నియోజకవర్గం’ సినిమాతో బొత్తిగా నవ్వుల పాలైపోయాడు నితిన్. అంత కాదు ఇంత కాదు.. అంటూ ఈ సినిమాని ప్రమోట్ చేశారు. రిలీజ్ తర్వాత రిజల్ట్ తుస్సుమనిపించారు. 

ఇక, ఇప్పుడు ఇంకో కొత్త సినిమాతో వస్తున్నాడు నితిన్. వక్కంతం వంశీ ఈ సినిమాని తెరకెక్కిస్తున్నాడు. ఈ సినిమాలో నితిన్ ఓ హీరోకి వీరాభిమానిగా నటించడమే కాదు, తెరపై తనను తాను చూసుకోవడానికి తెగ తహతహలాడిపోయే ఓ జూనియర్ ఆర్టిస్టుగా కనిపించబోతున్నాడట.

తాను అభిమానించే హీరోగా రియల్ ఫేవరేట్ హీరో పవన్ కళ్యాణ్‌నే ఈ సినిమా కోసం ఓ గెస్ట్ రోల్‌లో చూపించేందుకు ప్రయత్నిస్తున్నాడన్న ప్రచారం కూడా వుంది.

ఇక, ఈ సినిమాని ఫుల్ లెంగ్త్ ఎంటర్‌టైనింగ్ టోన్‌లో తెరకెక్కిస్తున్నాడట వక్కంతం వంశీ. జూనియర్ ఆర్టిస్ట్‌గా నితిన్ చేసే అల్లరి అంతా ఇంతా కాదట. చాలా చాలా ఫన్నీగా వుండబోతోందని అంటున్నారు. 

చూడాలి మరి, ‘మాచర్ల’తో వేయించుకున్న మచ్చ ఈ సినిమాతో చెరిపేసుకుంటాడేమో నితిన్.!