సూపర్ స్టార్ కృష్ణ జయంతి సందర్భంగా మహేష్ బాబు కొత్త సినిమా టైటిల్ రిలీజ్ చేసిన సంగతి తెలిసిందే. కృష్ణ జీవించి వున్నప్పుడే ఆయన పుట్టినరోజుకు తన కొత్త సినిమా అప్డేట్ ఇస్తుండడం మహేష్‌ బాబుకి అలవాటు.
అందులో భాగంగానే ఈ ఏడాది తన తాజా మూవీ అప్డేట్ రిలీజ్ చేశాడు మహేష్ బాబు. ఉదయం రకరకాల స్టిల్స్, పోస్టర్లతో ఫ్యాన్స్‌ని హుషారెత్తించిన మహేష్ బాబు, సాయంత్రానికల్లా సినిమా టైటిల్ రిలీజ్ చేశారు.
దీంతో పాటూ, ఓ ఊర మాస్ డైలాగ్‌తో కూడిన వీడియో కూడా రిలీజ్ చేశారు. ‘గుంటూరు కారం’ అని ఈ సినిమాకి టైటిల్ ఫిక్స్ చేయడమే అందరినీ విస్మయానికి గురి చేస్తోంది.
గురూజీ త్రివిక్రమ్ శ్రీనివాస్ సినిమాల టైటిల్స్‌కి ఓ ప్రాధాన్యత వుంటుంది. అలాంటిది మహేష్ బాబు సినిమా కోసం ఇలాంటి టైటిల్ పెట్టాడేంటీ.? అన్న దానిపై చర్చ నడుస్తోంది. అస్సలు సంతృప్తికరంగా లేరు ఈ టైటిల్‌పై అభిమానులు. 
పెద్ద దెబ్బే వేసేశాడుగా మహేష్ బాబుకి అని అభిప్రాయాలు వినిపిస్తున్నాయ్. టైటిల్‌, ఫస్ట్ గ్లింప్స్ ఇలా ఏవీ శాటిస్‌ఫై చేయలేకపోయాయ్. మరి, సినిమాతో గురూజీ ఏం చేయబోతున్నాడో చూడాలి మరి. పూజా హెగ్దే, శ్రీలీల ఈ సినిమాలో హీరోయిన్లుగా నటిస్తున్న సంగతి తెలిసిందే.