రియాద్:  నియంత్రిత ఔషధాల పరిధిలోకి వచ్చే 4,094,950 మాత్రలను పంపిణీ చేసే ప్రయత్నాన్ని సౌదీ యాంటీ డ్రగ్ అధికారులు అడ్డుకున్నారు. దీనికి సంబంధించి రియాద్‌లో ఆరుగురు డీలర్లను అరెస్టు చేసినట్లు జనరల్ డైరెక్టరేట్ ఆఫ్ నార్కోటిక్స్ కంట్రోల్ (జిడిఎన్‌సి) అధికారిక ప్రతినిధి తెలిపారు. ఆరుగురు అనుమానితుల్లో ముగ్గురు ఈజిప్టు పౌరులు, ఒక సూడాన్ జాతీయుడు, యెమెన్ జాతీయుడు, సౌదీ పౌరుడు ఉన్నారు. వారిని పట్టుకుని పబ్లిక్ ప్రాసిక్యూషన్‌కు రిఫర్ చేసేందుకు ప్రాథమిక చట్టపరమైన చర్యలు తీసుకున్నట్లు పేర్కొన్నారు.

మక్కా, రియాద్ మరియు తూర్పు ప్రాంతాలలో 911, రాజ్యంలోని ఇతర ప్రాంతాలలో 999కి కాల్ చేయడం ద్వారా మాదకద్రవ్యాల అక్రమ రవాణా లేదా మాదక ద్రవ్యాల ప్రమోషన్‌కు సంబంధించి అందుబాటులో ఉన్న ఏదైనా సమాచారాన్ని తెలియజేయాలని భద్రతా ఏజెన్సీలు ప్రజలను కోరాయి. జనరల్ డైరెక్టరేట్ ఆఫ్ నార్కోటిక్స్ కంట్రోల్‌కి 995,  [email protected] ద్వారా కూడా సమాచారం అందించవచ్చని, సమాచారం ఇచ్చిన వారి వివరాలను గోప్యంగా పెడతామన్నారు.