పెరుగు ఆరోగ్యానికి చాలా మంచిది. అయితే, పెరుగు కన్నా, మజ్జిగ ఇంకా మేలు చేస్తుందని చెబుతున్నారు. నిజానికి మజ్జిగకు కాలంతో సంబంధం లేదు. ఏ కాలంలోనైనా రెగ్యులర్‌గా తీసుకునే ఆహారం ఇది.

అయితే, సమ్మర్‌లో ఇంకాస్త ఎక్కువ దీని ఉపయోగం. మజ్జిగలో ప్రో బయోటిక్స్ పుష్కలంగా లభిస్తాయ్. అదేనండీ, మన శరీరంలోని గుడ్ బ్యాక్టీరియాని పెంచేందుకు పెరుగు తోడ్పడుతుందన్న మాట. పులియబెట్టిన పెరుగులో ఈ ప్రో బయోటిక్స్ మరింత ఎక్కువగా వుంటాయ్.

పెరుగులా కన్నా, మజ్జిగ రూపంలో తీసుకుంటే, సమ్మర్‌లో వచ్చే కళ్ల మంటలు, అరికాళ్ల మంటలు తగ్గుతాయ్. అలాగే శరీరాన్ని అధిక ఉష్ణోగ్రత నుంచి కాపాడి, చలవగా వుంచేందుకు తోడ్పడుతుంది. 

చర్మం, జుట్టు ఆరోగ్యాన్ని కాపాడేందుకు కూడా మజ్జిగ ఉపయోగపడుతుంది. మజ్జిగలో కాల్షియం శాతం కూడా ఎక్కువ. అందుకే మజ్జిగను తరచూ తీసుకునే వారిలో ఎముకల పటుత్వం ఎక్కువగా వుంటుంది. ఎముకల్ని బలపరచడంలో మజ్జిగ పాత్ర చాలా ఎక్కువే.

కొద్దిగా అల్లం, పచ్చిమిర్చి, నిమ్మకాయ, కొత్తీమీర చేర్చిన మజ్జిగని తీసుకుంటే ఆరోగ్యానికి ఆరోగ్యం జిహ్విక రుచి.. రెండూను.!