‘ఆర్ఆర్ఆర్’ సినిమాతో రామ్ చరణ్, ఎన్టీయార్ గ్లోబల్ స్టార్స్ అయ్యారు. ‘పుష్ప’ మేనియాతో అల్లు అర్జున్ కూడా గ్లోబల్ స్టార్‌గానే గౌరవం దక్కించుకుంటున్నాడు.
మరి, బాలయ్య గ్లోబల్ స్టార్ ఎప్పుడయ్యారు.? ఆయన ఏదైనా ప్యాన్ ఇండియా సినిమాలో నటించారా.. ఇంతవరకూ.? లేదే.! కానీ, బాలయ్య కూడా గ్లోబల్ స్టారేనండోయ్.
ఆయన తాజా సినిమాకి సంబంధించి ఈ విధంగానే పబ్లిసిటీ చేస్తున్నారు. అనిల్ రావిపూడితో బాలయ్య నటిస్తున్న 108వ సినిమాని ‘గ్లోబర్ లయన్ బాలయ్య’ అనే క్యాప్షన్‌తో ప్రమోట్ చేస్తున్నారు.
గ్లోబల్ లయన్ ఈ క్యాప్షన్ ఎవరిచ్చారట ఆయనకి అంటారా.? జై బాలయ్య.. ఆయనకెవరైనా ఇవ్వాలా చెప్పండి. ఆయనకి ఆయనే ఇచ్చేసుకుంటారంతే.
బాలయ్య 108 సినిమాకి ‘భగవంత్ కేసరి’ అనే టైటిల్ ఫిక్స్ చేశారు. ఈ నేపథ్యంలోనే టైటిల్ వదలడానికి ముందుగా సోషల్ మీడియాలో చేసిన హడావిడే గ్లోబల్ లయన్ బాలయ్య. సర్లెండి ఇది టైటిల్ అయితే కాదు.. ‘భగవంత్ కేసరి’ ఇదే బాలయ్య తాజా సినిమా టైటిల్. గుర్తు అట్టేపెట్టుకోండి.