అమెరికా: రష్యా చొరబాటుకు తిప్పి కొట్టేందుకు గాను ఉక్రెయిన్‌కు సాయం అందిస్తామని అమెరికా, బ్రిటన్‌లు గురువారం ప్రకటించాయి. అట్లాంటిక్‌ డిక్లరేషన్‌ కింద ఇరు దేశాలు ఎదుర్కొంటున్న జాతీయ భద్రత, ఇతర ఆర్థిక భద్రతకు అవసరమైన కీలక సాంకేతిక పరిజ్ఞానాన్ని రక్షించేందుకు అవసరమైన ప్రణాళికలను రూపొందించనున్నట్లు ప్రకటించాయి.  బ్రిటన్‌ అధ్యక్షుడు రిషి సునక్‌ గురువారం అమెరికా అధ్యక్షుడు బైడెన్‌తో సమావేశమయ్యారు. ఇరువురు నేతలు వైట్‌ హౌస్‌లోని ఓవెల్‌ కార్యాలయంలో చర్చలు జరిపారు.  కృత్రిమ మేధస్సు (ఎఐ), క్లీన్‌ ఎనర్జీ ట్రాన్స్‌మిషన్‌, మినరల్స్‌కు సంబంధించి పరస్పర సహకారం అందించుకుంటామని ప్రకటించారు. డిక్లరేషన్‌లో భాగంగా ఇరువురు నేతలు యూరోపియన్‌ యూనియన్‌తో సహా కీలక చర్చలు జరిపారు.  ముడిసరుకుల దిగుమతులకు సంబంధించి జపాన్‌తో ఓ ఒప్పందం చేసుకున్నారు. ఉక్రెయిన్‌ సాయంపై కీలక చర్చలు జరిపినట్లు తెలుస్తోంది. రష్యాపై యుద్ధానికి ఉక్రెయిన్‌కి బ్రిటన్‌, అమెరికాలు సాయం అందిస్తున్నాయి. ఎఫ్‌ -16 యుద్ధ విమనాలు అందించడంతో పాటు పైలెట్లకు శిక్షణ ఇస్తామని గత నెలలో ప్రకటించిన సంగతి తెలిసిందే. ఉక్రెయిన్‌కు ఆర్థిక సాయం అందిస్తామని బైడెన్‌ పునరుద్ఘాటించారు.