యూఏఈ: విద్వేషాన్ని రెచ్చగొట్టేలా వీడియోను సోషల్ మీడియాలో పోస్ట్ చేశారన్న ఆరోపణలు ఎదుర్కొంటున్న ఓ మహిళకు జైలు శిక్ష విధిస్తూ అబుధాబి పబ్లిక్ ప్రాసిక్యూషన్ ఉత్తర్వులు జారీ చేసింది. వివిధ సోషల్ మీడియా ప్లాట్‌ఫామ్‌లలో సదరు వీడియో వైరల్ కావడంతో అరబ్ మహిళకు జైలు శిక్ష విధించినట్లు అధికార యంత్రాంగం తెలిపింది. విద్వేషపూరిత ప్రసంగాలను రెచ్చగొట్టేలా సోషల్ మీడియాలో వీడియోలు రూపొందిస్తే కఠిన చర్యలు తీసుకుంటామని హెచ్చరించారు. "ఏ వ్యక్తి అయినా  ద్వేషపూరిత ప్రసంగంతో కూడిన ఏదైనా చర్యకు పాల్పడితే, వారికి 5 సంవత్సరాల కంటే తక్కువ కాకుండా జైలు శిక్ష,  Dh1000,000 వరకు జరిమానా విధించబడుతుంది.’’ అని తెలిపింది.