తొలి సినిమా డిజాస్టర్ అయినా ‘ఏజెంట్’ బ్యూటీ సాక్షి వైద్యకి అవకాశాలు బాగానే వచ్చేస్తున్నాయ్. అందులోనూ ప్రెస్టిజియస్ ఆఫర్లు అమ్మడి తలుపు తడుతుండడం విశేషం.
‘ఏజెంట్’ రిజల్ట్‌తో సంబంధం లేకుండానే మెగా ప్రిన్స్ వరుణ్ తేజ్‌తో ‘గాంఢీవధారి అర్జున’ సినిమాలో ఆల్రెడీ నటిస్తోంది ఈ ముద్దుగుమ్మ.
ఇప్పుడు లేటెస్ట్‌గా మరో మెగా ఆఫర్ కొట్టేసినట్లు తెలుస్తోంది. అదీ పవర్ స్టార్ పవన్ కళ్యాణ్ సరసన. పవన్ నటిస్తున్న ‘ఉస్తాద్ భగత్ సింగ్’ సినిమాలో సాక్షి వైద్యను హీరోయిన్‌గా పరిశీలిస్తున్నట్లు ప్రచారం జరుగుతోంది.
అదేంటీ.! ఆల్రెడీ ఈ సినిమాలో శ్రీలీల హీరోయిన్ కదా.. అనుకుంటున్నారా.? ఈ సినిమాలో ఇంకో హీరోయిన్‌కీ ఛాన్సుందట. ఆ ప్లేస్ కోసమే తాజాగా సాక్షి వైద్య పేరు తెరపైకి వచ్చింది. ఒకవేళ నిజమే అయితే, ఈ బ్యూటీ కెరీర్ ఇక తిరిగి చూసుకోనక్కర్లేదు. చూస్తుంటే, నక్క తోక తొక్కే వచ్చినట్లుందిలే సాక్షి వైద్య.!