రియాద్: అన్ని రకాల భిక్షాటనలపై పబ్లిక్ ప్రాసిక్యూషన్ నిషేధం విధించింది. భిక్షాటన చేయడానికి ప్రయత్నించే ఎవరినైనా అరెస్ట్ చేస్తామని హెచ్చరించింది. ఒక ముఠాగా ఏర్పడి భిక్షాటన చేసినట్లయితే కఠిన చర్యలు తప్పవని పబ్లిక్ ప్రాసిక్యూషన్  స్పష్టం చేసింది. భిక్షాటన చేయడానికి ప్రేరేపించినా,  వారికి ఏ విధంగానైనా సహాయం చేసినా 1 సంవత్సరం వరకు జైలు శిక్ష, SR100,000 వరకు  జరిమానా విధించే అవకాశాలు ఉన్నాయని హెచ్చరించింది. ఇక సౌదీయేతరుల విషయానికొస్తే, సౌదీ భార్య లేదా ఆమె పిల్లలు సౌదీలు అయితే లేదా సౌదీ మహిళ భర్త మినహా వారు రాజ్యం నుండి బహిష్కరించబడతారని తెలిపింది.