ఈ పాటికే బుల్లితెరపై బిగ్‌బాస్ 7వ సీజన్ స్టార్ట్ అవ్వాల్సి వుంది. కానీ, ఎందుకో ఈ సారి ఆలస్యమైంది. హోస్ట్ విషయంలో జరుగుతున్న రగడ కావచ్చు.. నిర్వాహకుల్లో అసలు షో విషయంలోనే ఆసక్తి లేకపోవడం కావచ్చు.. కారణాలేమైనా ఇంతవరకూ బిగ్‌బాస్ అలికిడి లేదనే చెప్పొచ్చు.

అయితే, రీసెంట్‌గా హిందీ బిగ్‌బాస్ స్టార్ట్ అవ్వడంతో తెలుగులోనూ బిగ్‌బాస్ వీక్షకుల్లో ఒకింత ఆసక్తి నెలకొంది. దాంతో, తెర వెనక బిగ్‌బాస్ షో‌కి ఏర్పాట్లు వేగవంతం చేశారనీ తెలుస్తోంది. 

అయితే, ఈ సారి హోస్ట్ విషయంలో కొంత డైలమా నెలకొందనీ తెలుస్తోంది. నాగార్జున హోస్టింగ్ పట్ల ఫ్యాన్స్ అంతగా ఆసక్తిగా లేరనీ తెలుస్తోంది. ఆసక్తి కాదు కదా.. అసలు నాగ్‌ని హోస్ట్‌గా వద్దు బాబోయ్ వద్దంటున్నారట.

దాంతో, రానా పేరు ఈ సారి బిగ్‌బాస్ సీజన్‌ హోస్ట్‌గా ప్రచారంలో వుంది. గతంలోనూ రానా పేరు పరిశీలించడం జరిగింది. కానీ, లాస్ట్ మినిట్‌లో మళ్లీ నాగార్జునే హోస్ట్‌గా ఫిక్స‌వ్వాల్సి వచ్చింది. ఇప్పుడేం జరుగుతుందో చూడాలిక.