విలక్షణ నటుడిగా, పక్కింటబ్బాయ్‌గా శ్రీ విష్ణుకి మంచి పేరుంది. సక్సెస్, ఫెయిల్యూర్స్‌తో సంబంధం లేకుండా అందుకే శ్రీ విష్ణు సినిమాలకు ప్రత్యేకమైన ఫ్యాన్ బేస్ వుందని చెప్పొచ్చు.

తాజాగా ‘సామజవరగమన’ సినిమాతో ప్రేక్షకుల ముందుకు రాబోతున్నాడు శ్రీ విష్ణు. శ్రీ విష్ణు సరసన రెబా మోనిక హీరోయిన్‌గా నటిస్తోంది. 

రామ్ అబ్బరాజు దర్శకత్వంలో తెరకెక్కుతోన్న ఈ సినిమా ట్రైలర్‌ని తాజాగా మెగాస్టార్ చిరంజీవి చేతుల మీదుగా రిలీజ్ చేశారు. సినిమాలోని హిలేరియస్ కామెడీని చిరంజీవి చాలా ఎంజాయ్ చేస్తున్నారు. 

తనలాగే ఆడియన్స్ కూడా ఈ సినిమాని వీక్షించి బాగా ఎంజాయ్ చేస్తారని చిరంజీవి తెలిపారు. జూన్ 29న ఈ హిలేరియస్ ఎంటర్‌టైనర్ ప్రేక్షకుల ముందుకు రాబోతోంది.

మెగాస్టార్ చేతుల మీదుగా గ్రాండ్‌గా రిలీజ్ అయిన ఈ సినిమా ట్రైలర్‌కి సోషల్ మీడియాలో మంచి రెస్పాన్స్ వస్తోంది. రిజల్ట్ విషయంలోనూ అలాంటి రెస్పాన్సే వస్తుందేమో చూడాలి మరి.