డేండ్రఫ్ ఇప్పుడు వయసుతో సంబంధం లేకుండా అందరినీ వేధిస్తోన్న సమస్య. ఈ సమస్య వున్నవాళ్లు నలుగురిలో చాలా ఇబ్బంది పడుతుంటారు. కానీ, అత్యంత సాధారణం అయిపోయింది నేటి కాలంలో ఈ సమస్య.
విద్యార్ధి దశ నుంచే ఈ సమస్య వేధిస్తోంది. ఈ సమస్య నుంచి ఉపశమనం పొందాలంటే మార్కెట్లో దొరికే షాంపూలతో పాటూ, కొన్ని ఇంటి చిట్కాలు కూడా పాఠిస్తే ఉపశమనం వుంటుంది.
నిమ్మరసం డేండ్రఫ్‌కి బాగా ఉపకరిస్తుంది. నిమ్మరసంలో కాస్త కొబ్బరి నూనె వేసి బాగా కలిసి మాడుకు పట్టించాలి. గంట తర్వాత తల స్నానం చేయాలి.
అలోవెరాని యాంటి ఫంగల్ ఇన్‌ఫ్లమేటరీగా పిలుస్తారు. అలొవెరా గుజ్జును తలకు పట్టించి గంట తర్వాత కడిగేస్తే చుండ్రు, దాని వల్ల కలిగే దురద నుంచి ఉపశమనం పొందొచ్చు.
అలాగే, రోజూ వుపయోగించే షాంపూలో కాస్త బేకింగ్ షోడా వేసి తలకు పట్టించినా ఫలితం వుంటుంది. రాత్రి పూట కొబ్బరినూనెతో మాడును మర్దన చేసి, ఉదయం తల స్నానం చేయడం వల్ల కూడా మంచి పలితం వుంటుంది.