త్వరలో మెగా పండగ షురూ కానుంది. జూలై 28న ‘బ్రో’ సినిమా రిలీజ్ కానుంది. పవన్ కళ్యాణ్, సాయి ధరమ్ తేజ్ కాంబినేషన్‌లో మంచి అంచనాలతో వస్తున్న ఈ సినిమా కోసం మెగా అభిమానులు ఈగర్‌గా ఎదురు చూస్తున్నారు. కేతిక శర్మ, ప్రియా ప్రకాష్ వారియర్ ఈ సినిమాలో హీరోయిన్లుగా నటిస్తున్న సంగతి తెలిసిందే. 
కొద్ది రోజుల గ్యాప్‌లోనే అంటే ఆగస్ట్ 11న మెగాస్టార్ చిరంజీవి ‘భోళా శంకర్’ సినిమాతో రాబోతున్నారు. తమన్నా, కీర్తి సురేష్ ఈ సినిమాలో ఫీమేల్ లీడ్ రోల్స్ పోషిస్తున్నారు. ఇదిలా వుంటే, మరి కొద్ది రోజుల గ్యాప్‌లోనే అంటే, ఆగస్ట్ 18న మెగా చిన్న మేనల్లుడు పంజా వైష్ణవ్ తేజ్ ‘ఆది కేశవ్’ సినిమా రిలీజ్ కానుంది.
ఈ సినిమా టీజర్ ఇప్పటికే యూత్‌లో సెన్సేషన్ క్రియేట్ చేసింది. అందాల భామ శ్రీలీల హీరోయిన్‌గా నటిస్తున్న ఈ సినిమాపై అంచనాలు బాగానే వున్నాయ్. కమర్షియల్ హంగులతో యూత్ ఫుల్ ఎంటర్‌టైనర్‌గా ఈ సినిమాని రూపొందించినట్లు లేటెస్ట్ టీజర్ ద్వారా అర్ధమవుతోంది. 
ఇలా బ్యాక్ టు బ్యాక్ మూడు సినిమాలతో మెగా కాంపౌండ్ హీరోలు త్వరలో సందడి చేయనున్నారు. ఇంకేముంది.! మెగా ఫ్యాన్స్‌కి ఇంతకన్నా కావల్సిన పండగేముంది.!