మస్కట్: OMR 60 మిలియన్ల అంచనా వ్యయంతో ఖాజాన్ ఎకనామిక్ సిటీలో కీలకమైన ఔషధాలు, వ్యాక్సిన్‌లను తయారు చేసే మొదటి ఒమానీ కర్మాగారానికి పునాది రాయి పడింది.  సుల్తానేట్ ఆఫ్ ఒమన్‌లో ముఖ్యమైన మందులు, టీకాల కోసం మొదటి ఒమానీ ఫ్యాక్టరీకి ఒపాల్ బయో ఫార్మా (OBP) శంకుస్థాపన చేసింది. సుమారు OMR 60 మిలియన్ల ఖర్చుతో ఖాజాన్ ఎకనామిక్ సిటీలో 37,000 చదరపు మీటర్ల విస్తీర్ణంలో రెండవ దశను ప్రారంభించింది. వచ్చే ఏడాది చివరి త్రైమాసికంలో ఉత్పత్తిని ప్రారంభించాలని భావిస్తున్న ఈ ప్రాజెక్ట్, వ్యాక్సిన్‌ల స్థానిక ఉత్పత్తిపై ఆధారపడటం మరియు దిగుమతులపై ఆధారపడటాన్ని తగ్గించడం, ముఖ్యంగా సంక్షోభాలు, మహమ్మారి సమయాల్లో జాతీయ ఆకాంక్షలకు అనుగుణంగా మెడిసిన్స్, వ్యాక్సిన్లను ఉత్పత్తి చేయడం లక్ష్యంగా పెట్టుకున్నట్లు ఒపాల్ బయో ఫార్మా డైరెక్టర్ల బోర్డు ఛైర్మన్ చెప్పారు. సుల్తానేట్, మిడిల్ ఈస్ట్ రీజియన్‌లో వ్యాక్సిన్‌లు మరియు కీలకమైన ఔషధాలను తయారు చేయడంలో ప్రపంచవ్యాప్తంగా ఎగుమతి చేయబడే కర్మాగారం ఇదే మొదటిదని అన్నారు.