కువైట్: కువైట్ ప్రభుత్వం ఆదివారం జాతీయ అసెంబ్లీకి తన నాలుగేళ్ల కార్యక్రమాన్ని సమర్పించింది. ఇందులో అన్ని ఆర్థిక, సామాజిక, వినోదం మరియు మానవ వనరుల రంగాలను కవర్ చేసే 107 ప్రధాన ప్రాజెక్టులు 2027 నాటికి పూర్తి చేయనున్నట్లు ప్రకటించింది. మూడేళ్లలో కొత్త కువైట్ ఎయిర్‌పోర్ట్ టెర్మినల్ 2, మూడు కొత్త రన్‌వేలను నిర్మించనున్నట్లు.. దీంతో విమాన సర్వీసుల సంఖ్యను 240,000 నుండి 650,000 పెంచుతుందన్నారు. మరోవైపు కువైట్ 4.5 మిలియన్ల జనాభాలో 70 శాతం కంటే తక్కువ ఉన్న దేశంలోని ప్రవాసుల సంఖ్యను తగ్గించే ప్రణాళికలో భాగంగా చర్యలు తీసుకుంటామని ప్రభుత్వం స్పష్టం చేసింది. బౌబియన్ ద్వీపంలోని ముబారక్ అల్-కబీర్ కంటైనర్ హార్బర్‌ను 8.1 మిలియన్ కంటైనర్ల సామర్థ్యంతో పూర్తిచేస్తామని తెలిపింది. స్థానిక పెట్టుబడులను పెంచేందుకు, దేశీయ పెట్టుబడుల కోసం సావరిన్ ఫండ్‌ను ఏర్పాటు చేయాలని ప్రభుత్వం యోచిస్తోంది. ఇదిలా ఉండగా.. కువైట్‌లో పని చేయడానికి విదేశీ కంపెనీలకు స్థానిక ఏజెంట్ అవసరాన్ని రద్దు చేస్తూ ముసాయిదా చట్టాన్ని ఆమోదించాలని అసెంబ్లీ ఆర్థిక మరియు ఆర్థిక వ్యవహారాల కమిటీ ఆదివారం నిర్ణయించిందని ఎంపీ అబ్దుల్‌వహాబ్ అల్-ఇస్సా తెలిపారు.