‘బేబీ’ సినిమా ఇటీవల ప్రేక్షకుల ముందుకొచ్చిన సంగతి తెలిసిందే. క్యూట్ రొమాంటిక్ లవ్ స్టోరీగా తెరకెక్కిన ఈ సినిమాకి సాయి రాజేష్ దర్శకత్వం వహించారు.

యూట్యూబర్ వైష్ణవీ చైతన్య హీరోయిన్‌గా డెబ్యూ చేయగా, ఆనంద్ దేవరకొండ, విరాజ్ అశ్విన్ హీరోలుగా నటించారు. కాగా, ప్రమోషన్లు ఓ సినిమాని హిట్ లిస్టులో ఎలా నిలబెడతాయో ఈ సినిమాని చూసి అర్ధం చేసుకోవచ్చు.

హార్ట్‌ఫుల్‌గా ప్రమోషన్లు చేశారు. అక్కడే సగం మార్కులు కొట్టేశారు చిత్ర యూనిట్. రివ్యూలు ఎలా వచ్చినా, ప్రమోషన్స్ కారణం కావచ్చు.. ఈ సినిమాకి మంచి ఓపెనింగ్సే వచ్చాయ్.

వీకెండ్ కలెక్షన్లు కూడా బాగున్నాయ్. ఓ చిన్న సినిమాకి ఇంతకన్నా కావల్సిందేముంటుంది. ‘బేబీ’గా వైష్ణవీ చైతన్యకీ మంచి డెబ్యూ మూవీ అనే చెప్పుకొచ్చు.

తొలి సినిమాకే యాక్టింగ్ పరంగా తానేంటో ప్రూవ్ చేసుకుంది కాబట్టి, వైష్ణవికి ఈ సినిమా కలిసొచ్చే అంశమే. మరో రెండు మూడు ఇలాంటి సినిమాలే పడితే, వైష్ణవి టాలీవుడ్‌లో స్టార్‌డమ్ దక్కించుకునే అవకాశాల్లేకపోల్లేదన్న అభిప్రాయాలొస్తున్నాయ్.