మనామా: కార్మికులకు సామాజిక మరియు మానవ హక్కులను పరిరక్షించడంలో.. మానవ అక్రమ రవాణాను ఎదుర్కోవడంలో బహ్రెయిన్ ప్రయత్నాలను కార్మిక మంత్రి జమీల్ బిన్ మొహమ్మద్ అలీ హుమైదాన్ హైలైట్ చేశారు. నేషనల్ ఇన్‌స్టిట్యూషన్ ఫర్ హ్యూమన్ రైట్స్ (NIHR) ప్రెసిడెంట్ అలీ అహ్మద్ అల్ డెరాజీని లేబర్ మార్కెట్ రెగ్యులేటరీ అథారిటీ (LMRA) డైరెక్టర్ల బోర్డు ఛైర్మన్ కూడా అయిన హుమైదాన్ ఘనంగా స్వాగతం పలికారు. అనంతరం పలు అంశాలపై చర్చించారు. మానవ హక్కులను, ముఖ్యంగా కార్మికులను రక్షించడానికి బహ్రెయిన్ సమీకృత వ్యవస్థ దోహదం చేస్తుందన్నారు. హిస్ మెజెస్టి కింగ్ హమద్ బిన్ ఇసా అల్ ఖలీఫా నేతృత్వంలోని సమగ్ర అభివృద్ధి ప్రక్రియతో ముందుకుపోతున్నామని తెలిపారు అంతర్జాతీయ లేబర్ ఆర్గనైజేషన్ (ILO) ప్రమాణాలతో జాతీయ కార్మిక చట్టాలను సర్దుబాటు చేయడం, సురక్షితమైన పని వాతావరణాన్ని ప్రోత్సహించడం మరియు కార్మికుల హక్కులను పరిరక్షించడం ద్వారా బహ్రెయిన్ అనుకూలమైన చట్టబద్ధతను ఆమోదించిందని ఆయన స్పష్టం చేశారు. బహ్రెయిన్‌లో శ్రామికశక్తి హక్కుల ఏకీకరణకు NIHR మద్దతునిస్తూ, మానవ హక్కులను ప్రోత్సహించడానికి..  రక్షించే ప్రయత్నాలకు మద్దతు ఇస్తున్నందుకు కార్మిక మంత్రిత్వ శాఖ,  LMRAని అల్ డెరాజీ ప్రశంసించారు.