ప్రభాస్ కి ఈ మధ్య ఏదీ కలిసి రావడం లేదు. స్టార్‌డమ్ ఊహించని విధంగా వచ్చేసినప్పటికీ, సక్సెస్ మాత్రం దూరమైపోతోంది. దానికి తోడు అనవసరమైన ట్రోలింగ్స్‌తో సతమతమవుతున్నాడు.

ఈ నేపథ్యంలో ప్రభాస్ తాజా సినిమా ‘ప్రాజెక్ట్ కె’ నుంచి టైటిల్, గ్లింప్స్ రిలీజ్ చేశారు. ‘కల్కి 2898ఎడీ’ అనే టైటిల్‌ని ఈ సినిమాకి ఫిక్స్ చేశారు. ఇక, గ్లింప్స్ విషయానికి వస్తే, హాలీవుడ్ రేంజ్‌లో వుంది. 

హైలీ టెక్నికల్‌గా విజువల్ వండర్‌లా ఈ గ్లింప్స్ కట్ చేశారు. మొన్న రిలీజ్ చేసిన ప్రభాస్ ఫస్ట్ లుక్ విషయంలో కొన్ని కామెంట్లు వచ్చిన సంగతి తెలిసిందే. అయితే, గ్లింప్స్ వచ్చాక ఆ కామెంట్లకు చెక్ పడినట్లయ్యింది.

ఫ్యాన్స్ ఫిదా అవుతున్నారు ఈ గ్లింప్స్ విషయంలో. హీరోయిన్ దీపికా పదుకొనె, కీలక పాత్రధారి అయిన అమితాబ్ బచ్చన్‌లను ఈ గ్లింప్స్‌లో చూపించారు. అలాగే, ఈ సినిమాకి ప్రతినాయకుడి పాత్ర కోసం విశ్వనటుడు కమల్ హాసన్‌ని ఎంచుకుని సినిమా స్థాయిని ఎక్కడికో తీసుకెళ్లిపోయారనే చెప్పాలి. చూడాలి మరి, ప్రభాస్ ఇమేజ్‌ని ఈ సినిమా అయినా ఆదుకుంటుందో లేదో.