పూరీ జగన్నాధ్ డైరెక్షన్‌లో వచ్చిన ‘ఇస్మార్ట్ శంకర్’ సినిమా సూపర్ డూపర్ హిట్ అయిన సంగతి తెలిసిందే. ఆ సినిమా తర్వాత పూరీ నుంచి వచ్చిన ‘లైగర్’ డిజాస్టర్‌గా మిగలడంతో, పూరీ జగన్నాధ్‌కి తదుపరి సినిమా ప్రెస్టీజియస్ ఇష్యూగా మారింది.

దాంతో, ‘డబుల్ ఇస్మార్ట్’ని లైన్‌లో పెట్టాడు. రీసెంట్‌గా ఈ సినిమా పూజా కార్యక్రమాలతో లాంఛ్ అవ్వడం, రెగ్యులర్ షూట్ స్టార్ట్ అవ్వడం కూడా జరిగింది. ఈ సినిమా కాస్టింగ్ విషయంలో పూరీ నెక్స్‌ట్ లెవల్ థింకింగ్ చేస్తున్నాడట.

సినిమాని ప్యాన్ ఇండియా రేంజ్‌లో రూపొందించాలనుకుంటున్నాడట. అందుకోసం హీరోయిన్లను బాలీవుడ్ నుంచి ఎత్తుకు రావాలనుకుంటున్నాడనీ తెలుస్తోంది. 

ఆ లిస్టులో ఆల్రెడీ కొన్ని పేర్లు వినిపిస్తున్నాయ్. శ్రద్ధా కపూర్, అలియా భట్ తదితర ముద్దుగుమ్మలను ఈ సినిమా కోసం పరిశీలిస్తున్నట్లు తెలుస్తోంది.

ఒకప్పుడు బాలీవుడ్ ముద్దుగుమ్మలు తెలుగు సినిమాల్లో నటించేందుకు ఉత్సుకత చూపించేవారు కాదు. కానీ, మారిన పరిస్థితుల నేపథ్యంలో తెలుగు సినిమాల్లో నటించేందుకు బాలీవుడ్ భామలు ఎగిరి గంతేస్తున్నారు.

అయితే, ప్రస్తుతం పూరీ సినిమాల్లో నటించడం అంటే, కాస్త రిస్క్‌తో కూడిన విషయమే. కానీ, ఈ సినిమా కోసం హీరోయిన్లకు అధిక మొత్తంలో రెమ్యునరేషన్ ఆఫర్ చేస్తున్నాడట పూరీ. పూరీ కనెక్ట్స్ బ్యానర్‌లో ఈ సినిమాని భారీ బడ్జెట్‌తో రూపొందించబోతున్నారనీ తెలుస్తోంది.