మెగాస్టార్ చిరంజీవి ప్రస్తుతం చాలా బిజీగా వున్నారు. వరుస సినిమాలు చేస్తున్నారు. ఆగస్టు 11న ‘భోళా శంకర్’ సినిమా రిలీజ్‌కి సిద్దంగా వుంది. దీంతో పాటూ, సురేందర్ రెడ్డితో ఓ సినిమా, కళ్యాణ్ కృష్ణతో ఓ సినిమా చేయాల్సి వుంది.

వీటితో పాటూ, కొందరు యంగ్ డైరెక్టర్లు కూడా చిరంజీవి కోసం వెయిటింగ్‌లో వున్నారు. కథలు వినిపించారు. అయితే, చిరంజీవి మాత్రం ఎలాంటి ప్రయోగాలకూ పోకూడదని డిసైడ్ అయ్యారట. 

రెగ్యులర్ కమర్షియల్ సినిమాలు చేసుకుంటూ పోవాలనుకుంటున్నారట. ‘ఆచార్య’ ఇంపాక్ట్ చిరంజీవిని బాగా వేధించింది. అదే చిరంజీవిని ప్రయోగాల జోలికి వెళ్లకుండా చేస్తోందట. 

ఇదంతా నిర్మాతల్ని దృష్టిలో పెట్టుకునే అని అంటున్నారు. తన కారణంగా నిర్మాతలు నష్టపోకూడదన్న సిద్దాంతం చిరంజీవిది. అందుకే, తనకు చేయాలని వున్నా డిఫరెంట్ జోనర్స్ జోలికి పోవడం లేదట మెగాస్టార్ చిరంజీవి.