యూఏఈ: ఆర్థిక సమస్యల కారణంగా యూఏఈలో నివాసం ఉండే వ్యక్తి.. తన మొత్తం కుటుంబాన్ని స్పాన్సర్ చేయలేరు. అయితే, వారి కుమార్తె మాత్రమే తమతోపాటు ఉండి చదువుకోవడానికి మాత్రమే స్పాన్సర్ చేయడానికి అనుమతి ఉందా? అనే సందేహాం కొందరిలో ఉంటుంది. అయితే, UAE నివాసి అయిన వారందరూ వారి సంతానానికి రెసిడెన్సీని స్పాన్సర్ చేయవచ్చని నిపుణులు చెబుతున్నారు. విదేశీయుల ప్రవేశం, నివాసానికి సంబంధించి 2021 ఫెడరల్ డిక్రీ లా నంబర్ 29 యొక్క నిబంధనలు వారికి వర్తిస్తాయి. యూఏఈలో నివాసి అయిన వ్యక్తి తన కుటుంబ సభ్యులకు రెసిడెన్సీ వీసా కోసం స్పాన్సర్ చేయవచ్చు. ఇది యూఏఈ ఇమ్మిగ్రేషన్ చట్టంలోని ఆర్టికల్ 9కి అనుగుణంగా ఈ అవకాశం ఉంది. అంతేకాకుండా, యూఏఈలో నివాసం లేకుండా నెలవారీ జీతం 4,000 లేదా యూఏఈలో వసతితో పాటు Dh3,000 సంపాదించే నివాసి తన పెళ్లికాని కుమార్తెను స్పాన్సర్ చేయవచ్చు. యూఏఈలోని విశ్వవిద్యాలయం లేదా విద్యా సంస్థ నుండి అడ్మిషన్ లెటర్‌ను పొందేందుకు సంబంధిత ఛానెల్‌ల ద్వారా దరఖాస్తు చేసుకోవచ్చు. అడ్మిషన్ పొందిన తర్వాత సంబంధిత విద్యా సంస్థ లేదా విశ్వవిద్యాలయం ఆమెకు యూఏఈ నివాస వీసాను జనరల్ డైరెక్టరేట్ ఆఫ్ రెసిడెన్సీ అండ్ ఫారినర్స్ అఫైర్స్ (GDRFA) - దుబాయ్ లేదా ఫెడరల్ అథారిటీ ఫర్ ఐడెంటిటీ, పౌరసత్వం, కస్టమ్స్ మరియు పోర్ట్ సెక్యూరిటీ నుండి పొందేందుకు అవకాశం ఉంది. అలాగే విద్యార్థి కేటగిరీ కింద గోల్డెన్ వీసాకు అర్హత ఉంటే, వారు గోల్డెన్ వీసా కోసం దరఖాస్తు చేసుకోవచ్చు. ఈ విషయంపై మరింత సమాచారం కోసంGDRFAని సంప్రదించాలని ఆశిష్ మెహతా & అసోసియేట్స్ వ్యవస్థాపకుడు మరియు మేనేజింగ్ భాగస్వామి ఆశిష్ మెహతా వివరించారు.