‘బ్రో’ మేనియా మొదలైంది. మరి కొద్ది రోజుల్లోనే సినిమా ప్రేక్షకుల ముందుకు రానుంది. జూలై 28న ‘బ్రో’ గ్రాండ్‌గా రిలీజ్ కానున్న సంగతి తెలిసిందే. ఇప్పటికే ప్రమోషన్లలో భాగంగా, వదులుతున్న ప్రచార చిత్రాలు ఫ్యాన్స్‌ని హుషారెత్తిస్తున్నాయ్.

రీసెంట్‌గా వచ్చిన ట్రైలర్‌ అయితే, పవర్ ఫ్యాన్స్‌కి ఎక్కడ లేని కిక్కిచ్చిందనే చెప్పొచ్చు. మరోవైపు ప్రమోషన్లలో భాగంగా సాయి ధరమ్ తేజ్ పలు ఇంటర్వ్యూల్లో యాక్టివ్‌గా పాల్గొంటున్నాడు. ఈ నేపథ్యంలోనే ‘బ్రో’కి సంబంధించిన కొన్ని ఇంట్రెస్టింగ్ విషయాలను పంచుకుంటున్నాడు.

‘బ్రో’లో చాలా వరకూ క్యాజువల్‌గా మామా అల్లుళ్ల మధ్య జరిగిన సీన్స్‌ని షూట్ చేసేశారనీ, అవి చాలా నేచురల్‌గా వచ్చాయని తేజు చెప్పాడు.

అలాగే, దేవుడిగా నటించిన పవన్ కళ్యాణ్ బీడీలు పట్టుకోవడం, లుంగీలు కట్టుకోవడం.. లాంటివి చేస్తాడనీ, వాటిని నెగిటివ్ కోణంలో చూడొద్దనీ.. కేవలం ఫ్యాన్స్‌ని ఎంటర్‌టైన్ చేయడం కోసమే అలా చేశారనీ, లాజిక్కులు అడక్కుండా, ఎంజాయ్ చేయాలని ఫ్యాన్స్‌కి సూచించాడు. 

అయితే, ఫ్యాన్స్‌తో ఎప్పుడూ ప్రాబ్లెమ్ కాదు.. మరి, వంక దొరికితే చాలు డొంక పట్టుకుని లాగాలని చూసే వాళ్ల నోళ్లు ఎలా మూయిస్తారు ‘బ్రో’.!