ఎయిర్‌ ఇండియా పనితీరును కేంద్ర పౌర విమానయాన శాఖ మంత్రి అశోక్‌ గజపతిరాజు సమీక్షించనున్నారు. సంస్థ ప్రస్తుత పరిస్థితిని ఆయన పరిశీలించనున్నారు. సంస్థ కార్యకలాపాలు, ఆర్థిక వ్యవహారాల్ని సమీక్షిస్తారని అక్కడి సీనియర్‌ అధికారులు తెలిపారు. ఆ వివరాల ప్రకారం... ఈ సమావేశానికి కేంద్ర విమానయాన శాఖ సహాయ మంత్రి మహేశ్‌ శర్మ, ఆ శాఖ కార్యదర్శి ఆర్‌ఎన్‌ చౌబే, పలువురు సీనియర్‌ అధికారులూ హాజరయ్యే అవకాశం ఉంది. వచ్చే ఆరు నెలల్లో సంస్థ లక్ష్యాలపై చర్చిస్తారు. ఎయిర్‌ ఇండియా విషయమై ఇటీవల అశోక్‌ గజపతి రాజు పార్లమెంటులో మాట్లాడారు. సంస్థ ఎప్పుడూ లేని విధంగా ఈ సంవత్సరంలో ఆపరేటింగ్‌ ప్రాఫిట్‌ సాధించనుందని తెలిపిన విషయం తెలిసిందే.