యూఏఈ: వచ్చే వారం నుండి అజ్మాన్ ఇండస్ట్రియల్-రోల్లా బస్ రూట్ (SHJ2)  రద్దు చేసినట్టు  ఎమిరేట్స్ ట్రాన్స్‌పోర్ట్ అథారిటీ వెల్లడించింది. అజ్మాన్ ట్రాన్స్‌పోర్ట్ అథారిటీ ప్రకారం.. ఆగస్ట్ 1 నుండి ఈ బస్సు మార్గం నిలిపివేయనుంది. షార్జాలో అత్యంత రద్దీగా ఉండే, అత్యంత ప్రజాదరణ పొందిన పరిసరాల్లో రోల్లా ఒకటి. అజ్మాన్ నుండి ఈ ప్రాంతానికి వెళ్లే వారు ఇప్పుడు వారి ప్రయాణంలో భాగంగా రెండు కనెక్టింగ్ బస్సులను ఎక్కాల్సి ఉంటుంది. నివాసితులు మరియు సందర్శకులు ఎమిరేట్స్ ఇండస్ట్రియల్ ఏరియా నుండి షార్జా రోల్లాకు AJ2 బస్సు (ఇండస్ట్రియల్ లైన్) ఎక్కి,  ఆపై అల్ ముసల్లా బస్ స్టేషన్‌లోని షార్జా లైన్ (SHJ1)కి వెళ్లాల్సి ఉంటుందని అజ్మాన్ ట్రాన్స్‌పోర్ట్ తెలియజేసింది.