వర్షాకాలం వచ్చిందంటే సైనస్ మరింత విజృంభిస్తుంది. ఆ మాటకొస్తే, వాతావరణంలో ఏ మార్పు వచ్చినా సైనస్ సమస్య వున్న వాళ్లు ఎక్కువ జాగ్రత్తలు తీసుకోవాల్సిందే. అంతేకాదు, బ్యాక్టీరియల్ ఇన్‌ఫెక్షన్లూ, వైరల్ ఇన్‌పెక్షన్లు కూడా సైనస్ వ్యాధి గ్రస్తుల్ని మరింత ఇబ్బందికి గురి చేస్తుంటాయ్. 

సైనస్ కారణంగా రెండు ముక్కులు దిబ్బడ వేసి, శ్వాస తీసుకోవడం చాలా కష్టమవుతుంది. దాంతో పాటూ, ముఖం ఉబ్బరంగా వుండడం, భరించలేని తలనొప్పి.. తదితర సమస్యలు వేధిస్తుంటాయ్. 

ఈ సమస్య నుంచి తప్పించుకోవడానికి మందులు ఎన్ని వున్నా అవన్నీ తాత్కాలిక ఉపశమనాలే. యోగాతో సైనస్‌కు శాశ్వత పరిష్కారం లభిస్తుందని యోగా నిపుణులు చెబుతున్నారు. 

కొన్ని యోగాసనాలు ముక్కులోని గాలి రంధ్రాలను తెరిచి సైనసైటిస్ లక్షణాన్ని తగ్గించేందుకు తోడ్పడతాయ్. అలాగే ఊపిరితిత్తుల్ని విస్తరించడంలోనూ యోగా తోడ్పడుతుంది. ఆక్సిజన్ తీసుకునే సామర్ధ్యాన్ని పెంచుతాయ్. 

ముఖ్యంగా యోగాలో భుజంగాసనం సైనస్ సమస్యను దూరం చేసేందుకు ఎక్కువ షహాయపడుతుందని చెబుతున్నారు. ఛాతీ, ఊపిరితిత్తులను విస్తరించేలా చేసి గుండెకూ బలాన్ని చేకూరుస్తుంది ఈ ఆసనం.