కువైట్: ఫుట్ పాత్ పై డ్రైవింగ్ చేస్తున్నట్లు చూపే వీడియో సోషల్ మీడియా సైట్‌లలో వైరల్ కావడంతో అధికారులు స్పందించారు. వీడియో క్లిప్ లో కనిపించిన వాహన డ్రైవర్‌పై చట్టపరమైన చర్యలు తీసుకున్నట్లు అంతర్గత వ్యవహారాల మంత్రిత్వ శాఖ పేర్కొంది. ట్రాఫిక్ చట్టాలు, నిబంధనలను ఉల్లంఘిస్తూ ఒక వాహన దారుడు ఉద్దేశపూర్వకంగా కాలిబాటపైకి ఎక్కి, మరొక వాహనాన్ని ఢీకొట్టిన వీడియో వైరల్ అయిన విషయం తెలిసిందే. ఈ సంఘటనలో వాహన డ్రైవర్ పై కేసు నమోదు చేసినట్లు, వాహనాన్ని ట్రాఫిక్ డిటెన్షన్ గ్యారేజీకి తరలించినట్లు మంత్రిత్వ శాఖ వెల్లడించింది.